Chief Minister Pu Zoramthanga’n Mizoram pawn lama tangkhang laklawhte chu an tan mekna state ten an lo buaipui ve tura tih a ni a, a bika \anpui ngai an awm a nih chuan Mizoram sorkar a\angin pawisa thawnin emaw, engemawzat chu pui thei turin Mizoram sorkar a inhuam a ni a ti.

Mipuite hnena thuchah a sawiah Chief Minister Pu Zoramthanga hian India ram hmun hrang hranga mizo tangkhang te hi an awmna state Chief Secretary te leh an sorkarah hriattir zel a ni a ti a. Hmarchhak biala tangkhangte hruai haw tuma Mizoram sorkarin hma a lak mek laiin sorkar laipuiin state kaltlanga phurh ang chi a khap leh tak avangin hei hi tih puitlin theih a ni ta rih lo tih a sawi.

Mizoram sorkarin a din, Task Group on Migrant Workers & Stranded Travellers chhin chhiah danin, nimin thleng khan Mizoram pawn lama tangkhang laklawh Mizoram sorkara in report mi 2576 an awm a, heng zingah hian mi 185 chu ramdanga tangkhang an ni.