Mizoram Horticulture Service Association General Conference vawi 23-na hmanpuiin he thu hi vawiin khan a sawi a, Pu Rama chuan, chemical fertilizer leh rannung thahna hlo insecticide te chu organic-a let vek tura hmalak chu an mawhphurna a ni tih hre turin Mizoram Horticulture Service Association member-te a chah a. A tihlawhtling turin ram awl la awm a\anga bul\an a nih tur thu a sawi.
Horticulture Development Board Vice Chairman, Prof. F. Lalnunmawia MLA pawhin, Mizoram chu tlang chhengchhe tak a nih avangin Horticulture hmalakna hmanga intodelh tura \anlak chu kawng awlsam ber a nih a rin thu a sawi a. Mizoramin tual\o thlai leh thei chi hrang hrang a neih chu a \ha tawk lo nia a lan avangin Economics siam\ha thei khawp thei leh thlai \ha zawk ching pung tura ngaihtuahna sen a \ul thu a sawi.
Bamboo Development Board Vice Chairman, Dr. K. Pachhunga MLA pawhin, Mizoramin sorkar-in mau a buaipui chu a zahthlak lova, a changkang hle a ni, a ti a. A ngaihna hre ve lo mi\henkhatin an nuihzat mai nia a hriat thu leh Rua hmanga intodelhna tura \anlakna chu a hlawhtlin hunah chuan a hlawkna teltu an nih zawk tur thu a sawi.
Mizoram Horticulture Service Association General Conference-ah hian thupui atan ram sum leh pai siam\hat nan Mau hman \angkai, Bamboo for Economic Prosperity tih hman a ni a, he thupui hmang hian Horticulture Division Officer, Dr. Robert Lalrinsanga’n Mau \angkaina leh \hatna a sawifiah a. Horticulture changtu Addl. Chief Secretary, Pu JC Ramthanga pawhin thu a sawi bawk.
