Chief Minister, Pu Zoramthanga’n Mizoram mi State pawna tangkhangte chu sorkar-in a theih ang angin a pui a ni a ti a, rampum huap mipui kharkhipna thupek dinglai a awm avangin inhruai haw mai theih a ni rih lo a ni a ti a. Harsatna tawkte chu Sorkar hotute hnena inhriattir turin a chah.

Zonet in khawpui \henkhata Mizoram house hotu, a biak pawhte chuan harsatna lian tham lutuk an tawk rih lo tih an sawi a, Mizoram house-a dormotory \henkhat chu a la ruak a, hetihrual hian tangkhang mek zingah sum leh pai nei tawh lo, a thlawna awm tir leh ei tur pawh a thlawna pek mek an awm a ni.

Phai lama tangkhang mekte zingah Mizorama haw theih dan tur ruahmanna siam a awm nia thu thang a awm \hinin mi a ti chiai-in a ti buai deuh \hin tih Mizoram House hotute chuan an sawi a, Thlawhna leh Rel service te rampum huapa a chawlh lai anih avangin tun dinhmunah chuan Mizorama in thawn haw turin hmalak theih a ni rih lo tih an sawi.

Hetihlai hian Mizoram sorkar chuan hmarchhak bial state danga tangkhang, lirthei hmanga hruai haw theihte chu hruai haw a tum dawn tih Chief Minister Pu Zoramthanga’n a puang a. Heng mi te hi tih dan pangngaiin Mizoram an thlen hnuah ni 14 khung hran an ni ang.