Raj Bhavan-a an inkawmnaah Chief Minister hian, Citizenship Amendment Bill chungchangte, ramri veng tura Mizoram Border Guard Force battalion hnih din tu tur Mizoram tan All India Services cadre hran neih a \ul thu Union Home Minister hi a hrilh a. Sorkar laipuiin Hindi \awng a ngaihpawimawh chhoh mek karah Mizoram-in Hindi zirtirtu a mamawh thu leh hemi kawnga harsatna Mizoram sorkar-in a tawh mek thu leh hemi sutkian nan hian Special Financial Assistance-ah sum dah belh a \ul thu leh Mizoram mai ni lo hmarchhak pum hmasawnna atan raw hman \angkai dan tur chungchang a sawipui a ni. Hruaitu pahnihte hian India leh Myanmar inlaichinna chungchang pawh sawiin, Mizoram chu ram dang pahnih dep a awm a nih avanga ram dang nena inlaichinna chungchangah mawhphurhna pawimawh tak a neih thu an sawi a. Union Home Minister hian, Mizoram chu kum tam tak chhung India-a state ralmuang berte zing a mi a nih avangin state dang buaina tawkte tan pawh entawntlak a nih thu a sawi a. Citizenship Amendment Bill chungchang chu an duhna leh rawtna an neihte lehkha hmanga thlen tur leh Chief Minister-in a hnena thil pawimawh dang a thlente pawh a \ul anga ngaihtuah zui a nih tur thu Pu Amit Shah chuan a sawi a ni.
