Assembly thalsik \hutkhawm zawhna leh chhanna huna ZPM member, Pu C. Lalsawivunga’n MNF sorkar-in kawng a siam, hun rei lote chhunga a chhiat leh mai chhan zawhna chhanga he thu hi sawiin, PWD changtu Chief Minister, Pu Zoramthanga chuan, an sorkar hnuah January a\angin hna an thawk \an a, kawng siamna atana pawimawh ber Road Roller chu Department-in a ngah tawk loh avangin 20 chah belh a ni a. Hemi hnu hian MP inthlan vangin Election Model Code of Conduct-in a phuar a, June thlaa Road Roller lo thlen hnuah hnathawh theih ni tawh mah se, furpuiin a nan leh avangin chak taka hnathawh theih a ni lo a, heti chung hian a theih ang angin hna an thawk zawk a ni, a ti. Pu Zoramthanga chuan, Mizoram hmun hrang hranga kawngpui chhiate pawh siam \hat zel tum a nih thu leh BRTF enkawl kawng-te pawh Mizoram sorkar chan ni lo mah se, a neitu leh hmangtu chu Mizo mipuite an nih miau avangin siam \hat tuma mawhphurhna an lak thu a sawi.
