Mipuite hnena thuchah a sawiah Chief Minister hian hri leng laka him theihna tura hmalatu zawng zawngte chungah lawmthu a sawi a. Hripui lo leng thulah sorkarin mihring zawna tih theih chin chu a ti mek tih sawiin Mizoram a him theihna turin Pathian hnenah tih tak zet-a \awng\ai turin mipuite a chah a ni.
(bite)
Chief Minister hian he hri hian Mizoram a la thleng lo nia hriat ni mahse, hriat lova thleng reng tawh pawh a ni thei tih a sawi a, invenna chu ngaih pawimawh hmasak berah neih a ni a, Cabinet pawhin \um hnih a ngaihtuah tawh tih a sawiin, sorkar hnathawkte pawhin an mahni hna pangngai thawk hman lo khawpin hma an la a, pawisa \ul tur chu enghelhah nei lo tur leh a \ul anga hmang turin finance deptt leh health deptt te pawh a hrilh tih sawiin hman chhoh mek a ni a ti.
Pu Zoramthanga hian, Mizoram luhna khan-a duty-na hmuna hman tur khawlte pawh a theih anga tih belh chhoh zel a nih thu a sawi a, damdawi leh hmaituamna te leh kut tih thianghlimna tura atan mamawh te pawh sorkarin a ngaihtuah chho zel a ni a ti a, thawktute indaih lohna pui turin NGO te a sawm a, doctor emaw nurse emaw leh mi tlawmngai pen chhuak theite chu ramri-a duty te pui turin a sawm a. Mipuite chu sorkar thurawn zawma mahni in lama tawm tam tur leh mitthi avanga kal loh theih loh tih loh chu kalkhawm lo turin a chah a, bazar ah pawh a tulah lo chuan kal lo tur leh loh theih lohah lo chuan zin chhuak lo turin a chah a ni.
Chief Minister thuchah hi zanin Chanchinthar zawhah tih chhuah a ni ang.
