Mipui kharkhipna thupek hman chhunzawm turah hian tuna kalpui ang lo deuhvin, tlema inthlahdulna lai turte a awm dawn tih official lam a\anga Zonet thudawnna chuan a sawi a. A kalphung tur tlangpui hi Disaster Management and Rehabilitation lamin an duang tawh a, Chief Minister in a pawmpui veleh thupek tih chhuah a ni ang.
Pu Zoramthanga ho hian vawiin khan sorkar hotute bakah Political party aiawh, Local council leh VC aiawh te, tlawmngai pawl leh, Kohhran aiawhten inkharkhip pawhsei chungchang an sawi ho a, Pu Zoramthanga hian mipui harsatna thlen lo tur zawnga ruahmanna siam anih tur thu a sawi.
(Audio CM speech 1)
Vawiina CM hova inkharkhip chungchang sawi honaah hian pawl hrang hrang aiawten an ngaihdan an sawi a. Veng leh khaw hrang hranga Local Task Force Duty-te \ha zawka thuam rawtna te, Task Force chu chhuanchamte chhawmdawltu ber an nih avangin sum leh pai tam zawka vur rawtna te, Mizoram ramri hrang hrang uluk leh zuala ven rawtna leh Police tam zawk dah rawtna te, ramri-a duty-te chu thuam \haa ei leh in tur leh riahna mumal zawk pek rawtna te sawi chhuah a ni a.
Veng leh khaw hrang hrangah a theih chin chinah Police Duty dah tur leh an mahni pui turin Sorkar hnathawk dangte dah rawtna te pawh a lut a, Task Force te chu anmahni lo puibawm tur ang chauha hman ni se, MLA leh Sorkar hnatawk Gazetted Officer chinin an hlawh a\anga zaa 10 tal COVID 19 do nan thawh ni se tih te rawtna a lut bawk a, Vegetable Supply chain chu mumal lehzuala kalpui tur te, State pawn a\anga ni tin mamawh phur Mizorama lo lutte chu tih thianghlim a, darkar 24 tal din tir phawt rawtna te pawh a awm a, zirlai Exam hmabak neite an exam zawh theih dan tur ruahman rawtna te pawh a awm bawk. Mi \henkhat chuan inkharkhip chu Curfew ang pui pui ni lova, inthlah dul deuh chunga kalpui ni se an duh thu an sawi a, hetihrual hian CrPC section 144 hmanga mi 5 aia tam punkhawm khapna dan hman chhunzawm zel rawtna te a lut bawk.
