Chief Minister hian National Bamboo Mission hnuaia State Mission Director Pu Lalthangliana Murray leh a thawhpuite kawmin Mizorama an hmalak mek dan a sawipui a, mau chu eizawnna tha tak siam theihna, environment tana thil pawi ni silo a ni tih Chief Minister chuan a sawi. State Mission Director chuan Mizorama National Bamboo Mission kalpui a nih dan leh hmachhawpte chief minister hi a hrilhfiah a ni.
State of Forest Report 2017-a a lan danin Mizoram pum zaa 15.49 chu mau hmun a ni a, hei hi km 3,267 biala zau a ni. Reserved Forest area a mau awm zawng zawng zat chu maktaduai 716 vela chhut a ni.
