He thu hi vawiina Aijal Club-a Horticulture Department Technical Officer-te leh hnathawktu dangte tana an Department hmalakna hrang hrang zir honaah a sawi a, Board an din turte chu PWD nen \angkawpa hmalakna tur Bamboo Link Road Board te, Bamboo Development Board leh Horticulture Development Board-te a ni tih sawiin, he hmalakna hnuaiah hian chak zawka hmalak theih beisei a ni tih a sawi.
Horticulture changtu nibawk Chif Minister Pu Zoramthanga chuan, Mizoramah Industry eng eng emaw din ni \hin mah se, Raw Material a awm loh avangin a hlawhtling thei \hin lo tih sawiin, hemi siam\ha tur hian mau \ha chi chin kawngah chak zawka hmalak a ni dawn tih a sawi a, tuna Mizorama mau awm sa chu a hlawk loh avangin mau lian chi leh thar hlawk chi chin pun tum a ni dawn a, hemi atan thil tih dan tur leh hmalak dan tur zawng zawng chu eptu pawl an nih lai khan an lo ngaihtuak lawk vek tawh niin a sawi a, a chi lakna tur pawh an hual sa tawh avangin hmalak mai theih a ni tawh niin a sawi.
Pu Zoramthanga chuan, mau an buaipui bakah hian ei leh bara intodelh tura \anlak a nih tur thu pawh sawiin, hemi atana hma an lakna turah a buaipui awl sam leh a hralhna hmuh nghal mai theihte lo thlithlai a, lo zirchiang turin Department hotute chu a chah a. Intodelh tura \an an laknaah a sing bi maia kal lovin Mizoram mamawh zawng zawng phuhru tura hmalak a pawimawh a, eng thlai pawh chin dawn se, Mizoram mipui zawng zawng chawm thei tur engzat nge thar ngai tih chhut chhuak hmasa a, chumi chu ram engtia zauah nge chin theih tih thlenga chhut chhuak hmasa tura chahin, hei hian an hmalaknaah rah\ha a chhuah ngei dawn niin a sawi a ni.
He inkhawm hi Department Director, Dr. Elizabeth Saipari’n a kaihruai a, Horticulture Secretary Pu Rodney L. Ralte pawhin thu a sawi a, Joint Director, Pu Vanlalruata Chenkual-in an Department hmalakna hrang hrang a sawifiah bawk. Chawhnu lamah Horticulture Secretary Pu Rodney L. Ralte kaihhruaiin an Department hmachhawp leh hmalak tawhnate an thlir hova, Division hrang hrangin an hmalakna an sawifiah hlawm a ni.
