Pu Rama hian vawiin khan Home Department, Assam Rifles leh BSF hotute leh Sorkar mipawimawh dangte a kawm a, COVID 19 hri leng karah khauh zawka ramri venhim a nih theih dan tur a sawipui a. Assam Rifles leh BSF hotute chu Mizoram Police, Village Level Task Force leh tlawmngai pawl dangte nen thawh hona \ha an neih a pawimawh tih a hrilh a, Mizoram hun tawn mek chu \um dang nen a inan loh avangin ni danga an thawh dan baka hma an lak a \ul tih a hrilh a ni.
Chief Minister hian, tuna COVID 19 hri leng mek laka himna tura theihtawp an chhuah tlang chu lawmawm a tih thu a sawi a. Hetihrual hian Mizoram hualtu ram leh state hrang hrangah hri leng kai an awm vek tawh avangin mipui him nan ramriah khauh leh uluk zawka venhimna kalpui a ngai a ni a ti a. Myanmar lamah pawh hri leng kai an hmuhchhuah belh zel avangin luh leh chhuah ruk tum an awm loh nan ngawrh leh zuala ramri hrula duty a \ul tih a sawi.
He \hutkhawmnaah hian Home Minister, Pu Lalchamliana, Chief Secretary Pu Lalnunmawia Chuango leh Additional Chief Secretary, Pu JC Ramthanga te pawh an tel a. Assam Rifles leh BSF hotuten ramri hrula venhim hna an thawh dan leh hri len hnua hma an lak dan an sawifiah bawk a ni.
