NEC plenary meeting, Guwahati-a neihah nimin khan thu sawiin Pu Zoramthanga hian NLCPR chu India hmarchhak state ten an \angkaipui em em laiin tun hnaiah a kalphung pawlhdal tial tial nia lang chu a ngaihmawh thu a sawi a, hnathawh kal lai leh thil \henkhat tih lovah chuan central in sum a pek \hin tam tak tih tawp a ni tih a sawi a, kum 2017-18 atanga 2019-20 chhung atana hmarchhak state zawng zawngin an hman tura cheng vbc 4500 chauh dah a ni chu state pariat-a hmasawnna lang tham din nan a tawk lo tih a sawi.
Pu Zoramthanga hian ramdang a\anga sum hmuh theihna, External Aided Project (EAP) kalpui tura phalna lak a harsat thu pawh a sawi chhuak a, tlang ram state te tan a bik taka ruahmanna siam a \ul thu te, Mizoramin All India Services Cadre hran a neih a \ul thu te pawh a sawi a ni.
NEC \hutkhawmna hi Union Home Minister Amit Shah, NEC Chairman ni bawk hova neih a ni a; DoNER Minister Dr. Jitendra Singh leh NEC member dangte bakah hmarchhak state hrang hrang Governor leh Chief Minister-te an tel a, Mizoram Governor Pu Jagdish Mukhi, MP Pu C. Lalrosanga, Chief Secretary Pu Lalnunmawia Chuaungo, Planning Secretary Dr.C. Vanlalramsanga leh Mizoram sorkar mipawimawh dangte pawh an tel a ni.
