New Delhi-a cham mek Pu Rama hian Non Lapsable Central Pool of Resources (NLCPR) hnuaia hmarchhak state-te tana hmasawnna hna thawhna tur sum dah engemawzat DONER Ministry leh NEC ah pek ala ni lo chu kum 2020-21 financial year chhunga pe chhuak turin Finance Minister hi a ngen a, Central Road Fund kalphung thlak avanga project kallai tangkhang engemawzat a awm thu hrilhin direct a state sorkar hnena sum dah a nih theih nan hma lak sak turin a ngen a ni. Sorkar thuchhuah tarlan danin Finance Minister hian hmarchhak state te tihhmasawn chu sorkar laipuiin a ngaihpawimawh thu Pu Rama hi lo hrilhin a thil thlen te chu a theihtawpa bawhzui sak a nih tur thu a lo hrulh a ni.
Pu Rama hian Jal Shakti Minister pawh hmuin tuna tui connection siam hmalakna kallai Functional Household Tap Connection (FHTC) atana Mizoram tana sorkar laipuiin sum a dah chu an indaih loh thu hrilhin sum mamawh belh zat te a thlen a, Pu Rama chuan Tlawng lui humhalh a tinung thar leh tura hmalakna tur thehluh tawh bawhzui zel dan tur te a sawipui bakah fur laia Mizoramin ruahtui hnianghnar tak a dawn thin khawl dan tur te Jal Shakti Minister hnenah hian a thlen a ni.
Chief Minister hi Planning Board Vice Chairman Pu H Rammawi, Chief Secretary Pu Lalnunmawia Chuaungo, PHE Secretary Pu Amjad Tak leh sorkar mipawimawh dang ten an \awiawm a ni.
