COVID 19 chungchanga mipui thuchah a sawiah Pu Rama hian, tunah hian Mizoram mi, State pawna tangkhang 1,748 an awm mek tih a sawi a, hen mite puihna tur hian CM Relief Fund a\angin cheng nuai 158 sing 3 leh sang 6 pek an ni dawn a, Mizoram House awmnaah chuan House enkawltute kaltlanga sum hi pek an ni ang a, House awm lohnaah chuan welfare hotute kaltlanga pek an ni dawn tih a sawi. Pu Rama hian, Mizo Welfare awm lohna-a mal tlat te chu Direct-a sum pe turin cheng nuai 2 vel dah hran a nih thu a sawi.
Delhi-a Chin unau tangkhang awmte pawh cheng nuai 5 pek a ni dawn tih Pu Rama hian a sawi a, an welfare hotute chu Prime Minister, Home Minister leh Delhi CM te hnena inhriattir tur leh Burma Ambassdor leh an sorkar hotute hnena inhriattir tura thurawn pek an ni a ti a, Mizoram chhunga Home leh centre hrang hrang 24 hnenah Rs. 2,98,105 pek ah nih thu a sawi bawk.
CM Relief Fund a\anga sum pekchhuah tawh zawng zawng chu avaiin cheng nuai 457 sing 8 sang 6 leh za 5 a tling tawh tih Chief Minister hian a sawi.
Covid-19 dona tura Chief Minister Relief Fund-a mi thahnemngaite sum thawh hi cheng nuai 620 a tling tawh a ni.
Covid-19 dona leh a kaihnawiha sum hman dan, Chief Minister Pu Zoramthanga’n a sawifiahna hi zanin dar 8 ah tih chhuah a ni ang.
