Chief Minister Adviser atana ruat Pu C. Lalramzauva’n vawiina a office a luah \anna inkhawmah he thu hi a sawi a, MNF kaihhruai sorkar thar chuan Pathian malsawmna haichhuak zawnga hmalak a tum tih sawiin, sorkar kalphung pawh tunhma lama tihdan awm sa thlak a, a thara kal a ni dawn niin a sawi. Pu Zoramthanga chuan, Adviser kawng hrang hranga tawnhriat ngah tak Pu C. Lalramzauva an nei thei chu an lawm hle tih sawiin, hlawkna uma he hna hi pawm a nih loh hmel hle tih a sawi a, ukil hna a thawh laia ni khata a hlawh chu thla khata a hlawh tur nen a inzah vel dawn a, hetiang a ni chunga rawngbawlnaa ngaia Adviser-a ruatna a pawm chu an lawm hle tih sawiin, a hnathawh tur pawh an hlui mawlh mawlh dawn niin a sawi.
Pu C. Lalramzauva pawhin, Chief Minister Adiver meuh atan ruat a ni chu tling lo a intih thu sawiin, duhsak taka ruat tu Chief Minister chungah a lawm hle tih a sawi a. Tun hmaa Court kaltlanga Sorkar khalh ngil tura theihtawp an lo chhuah \hin angin, tluang taka sorkar a kal theih nan theihtawp a chhuah tur thu leh he hna hi tluang taka a thawh theih nana finchhuah turin mipuite a ngen a ni. He inkhawm hi MNF General Secretary, Pu TC. Pachhunga’n a kaihruai a, Upa C. Lalbiaktluanga’n hunserh a hmang a ni.
