Zemabawk Branch MHIP-in MHIP day an lawmnaah he thu hi a sawi a, Chief Minister hian tunlaiin zu leh ruihhloin chhungkaw tam takah harsatna a thlen tih a sawi a, hetianga harsatna tawk chhungkua te chu Pathianah beiseina nghat tlat tura chahin MHIP member te chu hriselna ngaipawimawh tur te, vaihlo leh a kaihhnawih thil \ha lo laka inthiarfihlim tur tein a chah a ni. Chief Minister hian hmeichhia te chu chhungkua leh khawtlang ti nuamtu an nih thu a sawi a, midangte nen an indawr danin hlimna leh hlim lohna thui tak a thlen \hin a ni a ti.
Chief Minister hian MHIP day pual hian vengchhunga pianphunga rualban lohna nei leh kum 70 chunglamte hnenah thilpek an hlan a, Inkhawm hi Zemabawk MHIP President Pi Vanlalauvi’n a kaihruai a, CM Relief Fund-a chhun turin cheng 5,000 Chief Minister hnenah hian an hlan nghal a ni.
