He thu hi vawiina Saitual, Keifang leh Sesawng-a campaign beihpui a tlaknaah sawiin, Pu Zoramthanga chuan, District thar pek avanga Vote bat leh bat loh chungchang chu mipui thu a ni a, hetihrual hian kumina ram zalenna ni champha lawmna chu District thar pathumah DC ngeiin hnam puanzar an pawhpharh a duh thu leh mi pek sa kum 10 chuang palzuttute ai chuan a petu leh a tipuitlingtu vote chu a nawm zawk a rinthu a sawi a. Pu Zoramthanga chuan, an khingpui ten CAB duh loh lantir nana hmala tawk lova an puh chu thil an nhriat loh vang tih sawiin, he Bill chungchang hi Prime Minister leh Union Home Minister hmaichhanaah sawipuiin, an duh loh thu hrilhtu chu amah a ni, a ti a. Tuna CAB do lo anga puhtute chu vawi khat pawh CAB chungchanga Delhi pawh thleng thla lo an nih thu a sawi. Tuna an khingpui lian ber Congress leh ZPM in Mipui candidate an tih chu mipui rawn lova siam a ni tih sawiin, an mahni pawh an in vote a rinloh thu a sawi a, ZPNM-in zu zuar Congress party an thawhpui chhan chu vote duh vang a ni, a ti.
Chief Minister chuan, Lottery chungchanga ZPM hotupa Pu Lalduhoma’n Election Commission-a MNF a hekna chu sorkar hmasa sulhnu kal zel a nih thu sawiin, Sorkar hmasaa Chief Minister, Pu Lal Thanhawla hunlaiin Company 4 te chu Lottery Distributor atan thlan an ni a, heng Distrobutor 4 te hian draw vawikhatah cheng sing 4 zela a ngam laiin cheng sing 2 in an pe tlat tih a sawi a, Lottery Distributor hunchhung \um hnih a zawh hnuah pawh rate ngaiin vawi 2 an hun pawhsei sak an ni a, a \um 3 nan pawhsei sak leh an tum chu na taka an nawr avang leh inthlan a hnaih avangin tihtawp ni ta chauh a ni, a ti a. He thilah hian Distributor-te chu Court-a an zualko avangin Court-in chhunzawm turin Sorkar a hriattir a, chumi ang chuan tunah tihnun thar leh a ni a, Pu Lalduhoma hian enchiang se hetiang a beih a rin loh thu a sawi.
