Vawiin Assembly rorel inkhawmah zawhna chhangin Pu Zoramthanga hian Aizawl khawpui chu a tawt hle a, heti chunga lirthei lian tak takte nen inkal chhawk a la ngaih reng chu \ha an ti lo tih a sawi a, Aizawl chhuah lamah By Pass Road \ha tak, World Bank Road tia sawi a awm tawh a, tlak lamah pawh hetiang kawng \ha hi siam a nih ve theih nan ngaihtuahna an seng mek tih a sawi. Aizawl bakah hian Lunglei khawpui By Pass Road pawh siam tum a nih thu Pu Zoramthanga hian a sawi bawk a, tunah hian DPR siam\ha turin Survey neih mek a ni a, a sum sen tur zat hriat la ni lo mah se, Rs. nuai 900 dah rih phawt a ni a, sorkar pawisa kum kal mek chhung hian hna \an theih beisei a ni, a ti a. Haulawng leh Dawn inkar kawngpui pawh tihzauh tum niin, sorkar laipui a\anga sanction nghah mek a nih thu leh helai kawngpui hi Intermediate Lane-a siam tum a nih thu Pu Zoramthanga chuan a sawi.
