He thu hi vawiina Junior Engineer Service Association General Conference Chanmari YMA Hall-a neih a hmnpuinaah a sawi a, tun hnai khan Union Home Ministry chuan Assam Rifles te chu tun thla ral hmaa Aizawl khawpui a\anga Zokhawsanga insawn turin a hriattir a, hemi chungchangah hian Assam Riffle-te insawnna tur Zokhawsanga thil awm dan chu engmah an la hriat loh avangin AR hotute leh a kaihnawih departemnt hotute nen Zokhawsang hi an enfia a, hemi \um hian thil awm dan chiang takin an hmu tih sawiin, Pu Zoramthanga chuan, thuneihna an chan hmasaka AR insawnna tura sum sanction hmanga In sak hmasak te chu a chhe tawh hle a, a panna kawng pawh siam zawh lovin ala awm a, sipaiin lam an zirna hmun tur pawh duhthusam a awm loh thu leh lam an zirna hmun tura an ruahman \an dawn pawhin hnim sut hawn chawp ngaiin a awm a, lirthei hmang pawhin pan theih a nih loh avangin sipai Batallion 1 luh theih na chi a ni lo tih a sawi. Pu Zoramthanga chuan, thil awm dan chu AR hotute pawhin an ngaithiam lo hle niin a sawi a, Union Home Ministry lamin insuan lut tura tih tawh bawk si avangin an manganga, Sorkar lam pawh a mangang hle a ni, a ti a. Tun hmaa AR lo awm tawh ten Zokhawsanga insawn hi an hmanhmawh lova, a tih muan dan an ngaihtuah zawk a, an insawnna tur hmun buatsaihtu Contractor-te chu turtu an awm bawk si loh avangin awmze neiin hnathawh a ni lo a, Aizawl khawpui a\anga AR sawnchhuah nghakhlel ber tura rin khatih laia sorkar Congress khan hnathawktute chu hna zo vat tura a tur lo loh avangin an vaiin an mutthlu a, kaihtawh chawp ngaiin an awm a ni, a ti. Pu Zoramthanga chuan, Congress sorkar-ah neitu thinlungpu chunga thil kalpui a nih loh avangin kum 10 chhungin engmah an thlen lo niin a sawi a, tunah hian Zokhawsangah loh theih lohna avangin sipai 80 vel an awm hram niin a sawi.
Puan tawh angin Union Home Minister chuan Assam Riffle-te chu tun thla ral hmaa tuna an awm mekna Aizawl khawpui chhuahsana Zokhawsanga insawn turin a ti a. An insawnna tur Zokhawsang hi peih ala nih loh avangin an insawn hman ta rih lo a ni.
