Mizorama zu khapna dan Mizoram Liqour (Prohibition) Act 2019 nikum March thlaa Assembly in a pass hnuah he Act hi kenkawh nghal nimahse, a hnuaia dan tesep Rules hi peihfel a ni mai lova, tunhnaia sorkarin rules a notify chuan inhnialna a chawh chhuah avangin Chief Minister Pu Zoramthanga chuan cabinet meeting-ah ngaihtuah a nih tur thu an party office Hnam Run inkhawmah tun thla ni 13 khan a puang a ni. Khami \um khan Pu Rama chuan Dan hmasa lama lo awm tawh, zupui leh zufang ang chi te Kut nia entira pholante a \ha em? tih rawtna a awm a, a \ha kim lo tih hmuh a nih avangin, Cabinet-in an thlir nawn dawn tih a lo sawi lawk tawh a ni.
Council of Ministers \hukhawm hian Home Dept a\anga lut, Inner Line Permit pek chhuahna a\anga fee lak \hin tih pun rawtna pawh a pawm a, Ran talh dan chungchanga dan dinglai siam\hatna tur ‘The Mizoram Animal Slaughter (Amendment) Act 2020 an pawm a, tualchhung chanchinbu-a sorkar advertisement tih chhuah man tih pun rawtna an pawm bakah, Revenue dan dinglai siam\hatna tur, The Mizoram (Land Revenue) (Second Amendment) Bill 2020 an pawm a ni.
Council of Ministers \hukhawm hian School education dept hnuaia zirtirtute, an thawhna hmun sawn kualna dan dinglai siam\hatna tur, The Mizoram Education (Transfer and Posting of School Education Teachers) Amendment Rules, 2020 an pawm bawk a, District thar pathum-a awm tur, District Urban Development Officer pathum post siam pawh an remti a ni.
Council of Ministers \hukhawm hian ram danpui siam\hat vawi 126-na, Lok Sabha in a lo pass tawh pawh pawmpui an remti a, hei hi Anglo Indian te tana parliament leh Assembly-a seat hauhsakna dan dinglai tih tawp tawhna tur leh Scheduled Castes leh Scheduled Tribe te tana ham\hatna siam kum 10 dang atana pawhsei lena tur a ni.
