Chief Minister, Pu Zoramthanga hova Council of Ministers \hukhawmin sorkar hna Group “B” Non-Gazetted chin hnuai lam hna lak chu Mizoram Public Service Commission laksak-a a latu tur Mizoram Subordinate Services Selection Board din a rel a, Congress party hruaitu Pu Zodintluanga’n he thutlukna hi sawiselin sut leh an phut tih a sawi.

Nimina Council of Ministers thutlukna hi Mizoram Public Service Commission kaltlanga hna lak tam lutuk chhawk zangkhaina tura ruahman a ni tih sorkar thuchhuah chuan a tarlang a, Group “B” Non-Gazetted chin hnuailam te chu Sorkar-in Mizoram Subordinate Services Selection Board a dinin a la tawh dawn a ni.

Eptu party, Congress Legislature Party hruaitu Pu Zodintluanga chuan MPSC kaltlang lova sorkar hna lak a nih chuan hmelhriat \ha nei lo tan hna hmuh a harsa dawn a, lungawi lo tam tak an awm dawn a ni a ti a, Council of Ministers thutlukna hi sut leh an phut tih a sawi.

Pu Zodintluanga hian, sorkar-in Muster Roll-a zirtirtu 900 chuang lak a tum pawh nakin zela sorkar lu ti haitu a nih theih avangin ngaihtuahna hman fimkhur \ul a tih thu a sawi bawk.