Council of Minister \hukhawm hian pawna chhuak vak an tam chu khawtlang hriselna atana thil pawi tak thlen thei a ni an ti a. Chakkhai lam tur leh thil \ul bikah lo chuan chhuak lo tur leh mahni ina awm tam turin mipuite an chah nawn leh a ni. Chief Minister Pu Zoramthanga chuan sawrkarin mipui himna turin COVID-19 kaihhnawihah a tul ang zelin sum leh pai mamawh ruahman a ni tih a sawi. Ramri-a veivakte endik an nih dan an thlir ho a, khualzin veivak endiktu ten hmanrua an mamawh te pek belh an rel a, khawsik enna thermal scanner pek belh bakah felfai leh chak zawka data recording an tih theih nan laptop ruahman sak nise an ti a, a remchan dan anga a nghet lova thawktu temporary employee lak belh an rel a, tlawmngai pawlte nena \anho zel dan tur an sawiho bawk. Bangladesh nena inrina chu khar a nih tawh thu \hutkhawmnaah hian sawilan a ni.
Health Minister Dr R.Lalthangliana chuan khawsik enna, thermal scanner chah belh a nih thu leh, duh zat lei tur awm lo mahse indaih lohna phuhru thei tur khawp chu hmuh a nih thu a sawi.
Tun dinhmunah Zokhawthar leh Lengpui Tourist Lodge chu Isolation Facility atan buatsaih a ni tawh a. State leh District tinah Task Force din tawh a ni a. Local Council leh Village Council te kaihhruaina hnuaiah veng leh khaw tinah Task Force din tur a nih thu pawh council of minister \hutkhawmnaah hian sawilan a ni.
