Aizawl South III North leh South Block-in sorkar thar lawmna Aibawk khelmuala vawiina an buatsaihah thusawiin Pu Zoramthanga chuan tun hnaia New Delhi-a a zinin he Bill pass lo tur hian Prime Minister, Narendra Modi leh Union Home Minister, Pu Rajnath Singh te a hmuh thu sawiin, he Bill hi Mizoram mipuiten an duh loh thu na takin a sawi tih a tarlang a, kum 20 chhung zalenna an sual hnua inremna thuthlung sorkar laipui nen siam leh a nih hnuah hetianga sorkar laipuiin thil a tih chuan Mizoramin thil tihdan kawng dang a zawn theih thu te, hei hi inthlanpui neih tura vote zawn nan an ti a nih pawhin an hlawkpui dawn lova a hriat thu te a hrilh tih a sawi a, Union Home Minister, Pu Rajnath Singh phei chuan vawikhat inhmuh duh tawk lovin amah chu a koh nawn leh a, Home Ministry-a Joint Secretary te nen hemi chungchang hi nasa takin an sawiho tih sawiin, he bill hi pass a nih loh nan a rahbi te tea chuangkaiin, an bei chho zel dawn niin a sawi a ni. Pu Zoramthanga chuan midangte hmina hlawhtling taka thil ti tur chuan mahni ngei inhmin hmasak a \ul thu te, hmasawnna hna hlawhtling taka thawk turin neitu thinlung pua bul \an a \ul thu te a sawi a, mipuite dawmkanna atana Socio Economic Development Policy an hman tur chu Mizoram mipuite daih tur a ni ang a, fatu chan a kawchhung leh a tlang chhahte chu awm tur a nih rualin hei hian mi zawng zawng a daih vek dawn niin a sawi.
He inkhawmah hian Aizawl South III bialtu MLA Prof. F. Lalnunmawia pawhin thu sawiin, MNF kaihhruai sorkar thar chu Pathian ring chunga a kal chuan a ding reng dawn a, Mosia’n Israel fate a hruai khan a ban a phar \hat chhung chu an dinhmun a \ha a, chutianga hruaina \ha an dawn reng theih nan mipuite chu \awng\aipui turin a ngen a ni.
