He thu hi vawiina Aizawl Luangmual YMA Hall-a Aizawl West I Block Congress-in Conference a hmanpuinaah sawiin Chief Minister chuan Congress party chuan ramin a mamawh ang zelin Policy a duang \hin a, rambuai thim chhah ber laiin remna leh muanna an awm theih nan hma an la a, hemi hnuah rambuai vanga dinhmun chhiate khaichhuah nan NLUP an sem a, rangva inchung tur nei lo hnenah a thlawnin rangva an sem leh niin a sawi. NLUP chu eptu pawlten ngaimawh hle mah se, Pathian lam\ang Programe a nih avangin tunah hian chhungkaw 1,30,000 hnenah \anpuina pek an ni tawh a, heng zinga chhungkaw \hahnem takin an hlawhtlinpui mek niin a sawi.
Social Welfare Minister, Pu PC Lalthanliana pawhin, Congress Party-in hmasawnna hna hrang hrang a chhawpte tihlawhtling turin an sorkar leh ngei a ngai niin a sawi a, MNF-in thuneihna an chan chuan an hmachhawp hrang hrangte an tih\huanawp an hlauhthawn avangin mipui pawhin MNF sorkar an hlau niin a sawi bawk. Pu PC Lalthanliana chuan, tun hnaia Congress hotupa pakhatin an party a chhuahsan chu an \hatna tur zawk nia a rin thu a sawi a, hei hian an party chhungah lungrualna \ha a thlen mek a, tuna MLA pakhat pelhle deuh anga lang chu an hotuten a dinhmun an zirchiang mek niin a sawi bawk.
He inkhawm hi Aizawl West I Block Congress President, Pu K. Zohmangaiha’n a kaihruai a, MPCC Communication Department Chairman, Aizawl West I bial viltu ni bawk Pu PC Laltlansanga pawhin thu a sawi a ni. Party dang a\anga Congress zawm thar mi engemawzat chu Pu Lal Thanhawla hian an Party-ah a lawmlut a ni.
