Chief Minister, Pu Lal Thanhawla’n vawiin khan National Highway 44-A-in Dapchhuaha Tut lui a k^nna tur Pre-stressed High Level Concrete Lei Rs. 15,50,00,000/- senga dawh zawh a hawng. Hawnna thusawiin Chief Minister chuan Tut lei chu mipui vantlang in\awm \angkai taka hman tur a ni tih sawiin, Dapchhuah khaw mipuite chu \ha taka he lei hi enkawl turin a chah a, Mizoramah inkalpawhna kawng \ha tak a awm theihna tur leh chak taka hmasawn theihna turin sorkarin hma a la niin a sawi a, khawrel chhiatna lian tham chu mihring dan zawh rual ni lo mah se mi \henkhatten lei dawhna leh a kilhna hmanrua an ru \hin te, lei dawl zawh tawk aia rit phur lirtheia lei zawh te chu thil tih loh tur niin a sawi a, sum ngainat vanga dik lo taka ram compensation hmuh tum lo turin mipuite a fuih bawk a ni. He lei hawnna inkhawma thusawitu dang PWD Minister, Pu Lal Thanzara chuan he lei hi lirthei eng chi pawh dawl zo tura Indian Road Congress Standard anga ruahman niin a sawi a ni. He lei dawh hna hi Tantia Construction Ltd.-in a thawk a, meter 128-a sei, lui sir tawn tawna a banpui awm a ni a, a zau zawng hi motor lian pahnih inpelh theihna double lane a ni a, motor rihna nen ton 70 dawl zo tura chaka dawh a ni. Chief Minister zin hian naktukah Bairabia Tlawng lei, Pre-stressed High Level Concrete Lei a hawng dawn bawk a ni.
