MNF sorkar lai khan State Lottery hi \eng hneng takin an lo kalpui \hin nia sawiin, MNF hian an sorkar lai khan State Lottery-ah an puten ei an nei \hin tih an hria a, khatianga ei ve turah khan an ngaih phah nia sawiin, mah se chutiang chu an ni ve lova, State Lottery kalpuinaah hian amah mai ni lovin Finance Minister, Pu Lalsawta pawhin naiasen khat pawh an ei lo niin a sawi.
Pu Lal Thanhawla chuan, nikum may ni 17-a MNF ten State Lottery leh Mizo Carbon kal dan chungchangah CBI chhui tir tura an ngen angin a tukah khatih laia Chief Secretary, Pu Lalmalsawma hnenah hma la turin a ti nghal a, a lo intiam tawh ang ngeiin Lottery leh Mizo Carbo chu chhui turin CBI an ngen a. Mizo carbon chu CBI-in chhui \ul an tih loh thu Delhi leh Imphal-a an hmunpui a\angin an rawn hriattir nia sawiin, Lottery chungchangah erawh chuan vawiin thlengin chhanna an la hmu lo niin a sawi. Pu Lal Thanhawla chuan, Lootery kalpuina chungchangah hian engpawh a ngam tih MNF-te chuan lo hria se a duh tih sawiin, MNF hunlai angin State Lottery kalpuinaah hian hlawkna an tel ve lo niin a sawi.
MPCC president nibawk, Pu Lal Thanhawla chuan, Sorkar laipui hotute nen \um engemawzat an inbiak hnua Tripura Relief Camp-a awm mek Tuikuk-te kumin September ni 30 hma Mizorama hruai kir tura remna siam a ni ta thil lawmawm tak a ni, a ti a. hemi atana inremna an siam, Joint NGO Coordination Committee-in \ha a ti leh Tuikuk chungchangah Sorkar leh tlawmngai Pawlte \ha taka an thawk ho thei chu lawmawm a tih thu a sawi. Pu Lal Thanhawla chuan, Mizoram mi dik takte Tripura a\anga lak let tur chungchanga tun hnaia Union Home Minister, Rajnath Singh-a hova inremna an ziah dawn khan Sorkar thu awiha lo haw hmasate hnenah \anpuina pe fumfe lova, a thuawih lo zawkte chhawmdawlna pek leh si chu \ha a tih loh thu a sawi chhuak nia sawiin, hei hi Home Minister pawhin a ngaipawimawh viau a, chuti chung chuan tuna mi anga kalpui tura an lo inrem tawh si avangin hetiang hian kalpui phawt a ni dawna, tun hmaa Mizorama lo let hmasa te chungchang chu ngaihtuah zui erawh a ni dawn tih a sawi.
He inkhawm hi MPCC General Secretary, Pu C. Lalpianthanga ‘n a kaihruai a, Higher and Technical Education Minister, Pu R. Romawia Minister leh Law Commission Chairman, Pu John Siamkunga, MLA-in thu an sawi bawk.
