Chief Minister, Pu Lal Thanhawla’n khawvel hmun hrang hrang Zo hnahthlakte inpumkhatna chu Sorkarin a ngai pawimawh hle tih House a hrilh a. Zo hnathlak hmun hrang hranga chengten kan Sorkar an tih theih awm chhun chu Mizoram Sorkar chiah a nih avangin tun aia inpawh lehzualna a awm theih nan Manipur-a zofate khawpui Churrachanpur-ah Mizoram House din thuai tum a nih thu a sawi. MNF member, Pu Lalruatkima zawhna a chhanga he thu hi sawiin Chief Minister chuan, Churrachanpur-ah hian Mizoram House sakna tur hmun neiha nih tawh thu leh sak ngei pawh \ha an tih thu a sawi a. A sakna tur sum ala remchan rih loh vanga sak loh mai ala nih thu leh zo hnahthlak khawpui ngeia Mizoram House sak chu an ngaipawimawh hle tih a sawi. Pu Lal Thanhawla chuan, Churrachanpur bakah hian Imphal klhawpuiah pawh kum 2004 a\ang khan Mizoram House sakna hmun tur Sorkar-in a neih tawh thu a sawi a, hei hi \ha taka humhalh niin, kum 2005 khan cheng nuai 5 senga hung a ni a, a hungna hi a \hat tawh loh avangin tun hnaiah khan cheng 37,67,710 senga hung \hat leh a nih thu pawh a sawi. Manipur chauh ni lo hmarchhak bial khawpui hrang hrang nen awlsam zawka intlawhpawh turin \anlak mek a nih thu leh Shillong khawpui nen pawh inpawhna \ha nei tura thlawhtheihna intlawh pawh tawn dan ngaihtuah a nih thu Chief Minister chuan a sawi a, Mizorama thlawhtheihna Service \hin, a bikin Air India-in krismas leh kumthar vuak vet laia an duh duh dana a chuan man an tisang \hin pawh sorkar-in a ngaimawh avangin na takin a. lo sawisel tawh tih a sawi bawk.
