Chief Minister, Pu Lal Thanhawla’n kawlphetha intodelh tura hmalaknaah State Solar Policy mumal tak siam a ni tawh tih Congress member, Pu RL Pianmawia zawhna chhangin House a hrilh. Kawlphethaa intodelh chu Sorkar laipui pawhin a ngaihpawimawh thu leh New and Renewable Energy hmang \angkai tura a duh angin nizuk chakna hmanga kawlphetha siam chu damdawi in hrang hrangah hmang tura \anlak mek a nih thu a sawi. Pu Lal Thanhawla chuan, tunah hian nizung chakna hmangin Vankal daiah kawlphetha megawatt 210 pechhuak thei tur leh Tlungvelah megawatt 2 pe chhuak theih tur buaipui mek a nih thu leh tun hnai deuha Kolkata-a Mizoram Sorkar-in Magnetic Roadshow a buatsaihah Company pakhat chuan nizung chakna hmanga kawlphetha megawatt 100 chuang pe chhuak thei tur Mizorama din an inhuam thu an hrilh tih a sawi. Secretariat Administration Department enkawltu, Chief Minister Pu Lal Thanhawla chuan, New Secretariat Building-a Sorlar vuah chu zawh a nih tawh thu leh \angkai taka hman mek a nih thu Pu RL. Pianmawia zawhna chhangin a sawi a. Hemi zawhna kal zel a, zawhna neitu Pu RL Pianmawia’n secretariat building hluia Sorlar vuah a nih ve theih leh theih loh te, MNF member, Pu Lalrinawma’n New Secretariat Building-a Sorlar vuah hnathawktute leh a senso zat te, lo chhe palh ta se tunge enkawltu tur tih leh Pu Lalruatkima’n New Secretariat Building-a Sorlar vuah chu tunah hian hmantlak a ni reng em tih leh New Secretariat huam chhunga tun hnaia hmeithai pakhat dawrte \hiah tak chu enge a chhan tih an zawhbelhna chu Chief Minister hian a chhang duh lo a ni.
