Chief Minister, Pu Lal Thanhawla kaihhruaia nimin chawhnua Cabinet meeting neihah sorkar Department hrang hrang 19 atanga lut thil pawimawh ngaihtuah tur 30 chhawpchhuah a ni a, heng zinga sawiho hman chin leh thutlukna siam te chu Chief Minister, Pu Lal Thanhawla entir leh phawt a nih hnuah mipui hriata puan chhuah theih a ni dawn a ni. Puan tawh angin he Cabinet Meeting-ah hian thu ngaihtuah tur chhawpchhuah zingah Champhai, Kolasib leh Mamit Polytechnic-a atana hna 113 siam rawtna te, Bawngkawn Brigade Area Phase I-a Residential Land Certificate leh pass cancel sak rawtna te, Aizawl Revenue District thendarha, Aizawl North Revenue District leh Aizawl South Revenue District siam rawtna te, Champhai District Court-a Additional District & Session Judge hna siam belh rawtna te, Mizorama District 5-a Adhoc Municipality din rawtna te, Social Welfare Deptt. Department pahniha siam rawtna te, Mizoram Right of Children to Free & Compulsory Education Rules, 2011 siam that rawtna te a tel a ni.
