ZPM \halai chuan, new capital complex a PHE e in C pisa sak chhunzawm mek chu tun hnai khan an tlawh tih an sawi a, sak chhunzawm tura phalna hi tun thla ni 7 khan tih chhuah a nih thu an sawi a, PHE e in c pisa sakna hmunah hian sorkar hmasa Congress hunlai atangin thil fel lo lian tak a lo awm tawh a, New Secretariat Complex Welfare Committee-te nen pawh buaina a lo awm tawh a ni an ti a, sorkar hmasaa hunlaia eptu party MNF pawhin nasa taka doin hnathawk lai pawh chhun zawm lo turin an lo hrilh tawh a ni an ti a, khatih hunlaia bialtu MLA MNF hruaitu Pu Vanlalzawma’n building sak a nih dana thil fello awm leh sak chhunzawm a duh lohna thuziak te, Pu Lalruatkima, MLA-in, khatih hunlaia eptu party hruaitute nena a hmun an tlawh \uma a thusawi te pawh hmuh theiin a la awm a ni an ti a, sorkarna an chan hnuah nikum January ni 10 khan Chief Minister Pu Zoramthanga chuan hnathawhte titawp nghal turin a lo hriattir tawh bawk a ni an ti a, hetihlai hian tun hnaiah Chief Minister leh Dy CM remtihna ngeia sak chhunzawm a ni leh ta chu mak an tih thu an sawi.
