Serchhip a\anga thudawn danin, vawiina a thubuai ngaihtuahnaah hian thubuai neitu Pu Lal Thanhawla pawh Court-ah a inlan a, hetah hian thubuai thehluttu, Pu Lalhriatrenga Chhangte Ukil-ten Pu Lal Thanhawla hi thu an zawtfiah a. Hetah hian Pu Lal Thanhawla chuan, kum 2013 Assembly inthlanpui neih dawna Affidavit an thehluh lai hian tuna an puhna ber Kolkata-a a ram chu a ta nihna lehkha pawimawh ala neih loh thu leh chumi vanga Affidavit-ah pawh ziak lang lo a nih thu a sawi a, hetianga Affidavit dik lo thehlut-a puh a nihna chu mipui rilru hruaipen tumna leh Politics-a inbeihna nia a hriat thu a sawi a ni. Thubuai ngaihtuah a nih hnu hian Court chuan he thubuai hi March 6-a ngaihtuah leh turin a ti a, hetah hian thubuai neitu tana thuhretua ding turte chu Court-a inlan tura hriattir an ni a, thu zawhfiah an ni ve leh dawn nia thudawn a ni.
Puan tawh angin kum 2013 Assembly inthlanpui neih dawna Chief Minister hlui, Pu Lal Thanhawla’n Affidavit a thehluhah Kolkata New Town-a in a neih chu thupin, Affidavit dik lo a siam nia sawiin, New Serchhip-a Pu Lalhriatrenga Chhangte chuan Court-ah thubuai a thehlut a. Hei hi Court chuan a ngaihtuah mek a ni.
