Chief Minister hluiin Bangla a chhuahsan dawn hian PWD hotuten Bangla chhunga bungraw awm leh thil nih dan phung hrang hrangte ziaka chhinchhiahin thil bo leh hmelhem a awm leh awm loh an enfiah vek a, thil tihfel \ul hrang hrangte an tihfel hnuah Bangla kawngkapui chu kalhin, chabi pawh an kawl nghal a ni. Chief Minister hluiin Bangla a chhuahsan dawn hian MPCC Media Department hotute leh thuthar thehdarhtu \henkhat chuan a hmunah an \awiawm a, thuthar thehdarhtute hian Chief Minister Bangla chhunga pindan hrang hrangte fangkualin, bungraw chhia leh bo thlau a awm leh awm loh an enfiah vek a, hemi hnu hian Chief Minister-in Bangla chabi chu PWD hotute hnenah an hlan nghal a ni.
Puan tawh angin tun thla ni 11-a Mizoram Assembly inthlanpui vote chhiar takah rorel lai Congress Party chuan seat 26 latu MNF lakah sorkar-na an hloh tak avangin Chief Minister hlui ni ta, Pu Lal Thanhawla chuan Bangla hi a chhuahsan a ngai a ni. Zonet thudawn danin, Chief Minister thar Pu Zoramthanga chuan kum a thar veleh Chief Minister Bangla hi an luah nghal dawn nia hriat a ni.
