Nimin tlai khan Chief Minister Conference Hall-ah cancer enkawlna hmunpui din dan tur sawi ho a ni a, Health Minister, Pu Lal Thanzara leh Rajya Sabha member, Pu Ronald Sapa Tlau pawh an tel a ni. He sawihonaah hian Health & Family Welfare Secretary, Pu Lalrinliana Fanai leh he Department-a mi pawimawhte bakah he project beisei mek atana ruahman buaipui tura lo kal, Public Health Foundation of India mi thiamte an tel a. Japan International Coperation Agency (JICA) \anpuina dawn tur beisei mek hmanga Mizorama Cancer inenkawlna hmunpui, a thar din theih dan emaw, Mizoramin cancer enkawlna a neih mek, MSCI nena kal kawptir theih dan turte pawh sawiho a ni. Health Minister chuan cancer enkawlna atana Mizoram insensona chu a sang hle tih sawiin, PFHI aiawhte chu cancer chungchanga Mizoram dil tur, JICA project hlawhtlinna atana theihtawp chhuahpui turin a sawm a ni. PFHI aiawhte leh mi thiam lokalte hian an ngaihdan leh he project an lo mitthla dante an sawi ho a, project thar hi amaha ding tur nge MSCI nena kal kawptir tur tih leh thil pawimawh dangte an sawiho a ni.
