Chief Justice of India SA Bobde-a’n Nirbhaya pawngsualtu, thi tura an chungthu rel tawhten an chungchang ngaihtuah nawn leh tura an ngenna chu khaihlum hmabak mek an nih avangin ngaihpawimawh hmasak a ni ang a ti.

Kum 2012 December thlaa Delhi-a hmeichhe pakhat pawngsuala rawng taka that zuitu mi pali-te hi February ni 1-a khaihlum tur an ni a, man zinga pakhat, Mukesh Singh-a ukil chuan an chunga zahngaihna lantir tura ngenna President-in a hnawl dan a khinlet lehna chu court-ah a rang lama ngaihtuah turin a thlen a, Chief Justice chuan ngaihpawimawh hmasaka neih a tum thu Ukil chu a hrilh a ni.