Chief Justice of India hlui Dipak Misra-a’n thutlukna a siam kawngah pawn lam a\angin thununtu an awm nia sawi chungchang a rang lama ngaihtuah dilna Supreme Court-in a hnawl.

Puan tawh angin January thla khan khatih hunlaia Supreme Court roreltu pali chuan Press Conference an ko a, Supreme Court kalphung \henkhat an duhkhawp loh lai a awm thu te an sawi a, hei hi thawh\anni khan Justice Kurian Joseph chuan Press Conference an koh chhan chu khatih hunlaia Chief Justice Dipak Misra kha pawn lam a\anga thununtu an awm tih an chian vang niin a sawi a ni. Hemi chungchang rang taka ngaihtuah diltu ukil hnenah, Chief Justice ni lai, Ranjan Gogoi chuan Supreme Court rintlakna chu chanchinbua innghat a nih loh thu leh roreltute kuta innghat a ni zawk tih a hrilh a, ngenna an thehluh chu ngaihtuah hun pangngaia ngaihtuah a nih tur thu a hrilh bawk a ni.