Chief Justice of India atana ruat thar, Justice Dipak Misra chu President Ram Nath Kovind-a’n Rashtrapati Bhavan-ah rinawmna thu a tiam tir hnuah, CJI 45-na atan lakluh fel a ni. Puan tawh angin, Pu Misra-a hi Chief Justice chawl ta, JS Khehar chuan a aiawh tur hian thla hmasa khan a lo ruat tawh a, a hna thar hi thla 13 chhung a chelh ang a, nakkum October ni 2-ah a chawl ang. Pu Misra-a hi kum 1993 Mumbai inbeihna-a mawhphurtu mi firfiak Yakub Memon-an thi tura a chungthu rel tawh ti danglam tura ngenna a siam ngaihtuahtu judge pathumte zing ami kha a ni a, kum 2015 July thla khan he ngenna hi zankhuaa an ngaihtuah hnuah, zing dar 5-ah mi firfiak Yakub Memon-a thi tura tih tawh sut leh chu rorelna fel lo a nih thu sawi tu kha a ni a, kumin May thlaa hmeichhe pakhat pawngsual rawn vanga thiam loh chang mi pali, thi tura an chungthu rel tu kha a ni bawk. Pu Misra hi Delhi High Court Chief Justice a lo nih tawh thin a, kum 2011 khan Supreme Court Judge atan lakluh a ni leh a, civil mi te ngaihsak tak judge nia sawi thin a ni bawk.
