Chief Justice of India lawmluhna inkhawmah hian Prime Minister, Narendra Modi leh Home Minister, Amit Shah te bakah mi pawimawh engemawzat an tel a ni.
Chief Justice Bobde hi kum 2021 April ni 23-ah a pension dawn a, thla 17 chhung Chief Justice hna a chelh dawn a ni.
Chief Justice of India-a dah a nih hma hian Bobde hian hna pawimawh tak tak a lo thawk tawh a, thubuai khirh tak tak a lo chingfel tawh a. Ayodhya-a Ram Temple thubuai remnaah pawh five-judge constitution bench-ah telin, kum 2017 August thlaa India rama fundamental rights humhim a nih zel theih nan Right to Privacy thu remna-ah pawh a tel bawk a ni.
Chief Justice Bobde hi ukil chhungkua a\anga Maharashtra-a sei lian a ni a, a pa chu hun rei tak senior advocate lo ni tawh, Arvind Shriniwas Bobde a ni. Kum 1956 April ni 24 khan Maharashtra-a Nagpur-ah piang a, Nagpur University a\angin BA leh LLB a zova, kum 1978 khan Bar Council of Maharashtra-ah a inziak lut a ni. Chief Justice Bobde hian Ranjan Gogoi a thlak a ni.
