Amazon CEO Jeff Bezos-a’n ni 3 thanga India ram a rawn tlawh \um khan minister emaw, sorkar thuneitute emaw be rawn lovin India-ah US dollar tluklehdingawn khat peipun a intiam thu a sawi a, sorkar chuan Jeff Bezos-a thusawi chu a bengkhawn lem lo a ni.
Union Commerce Minister, Piyush Goyal chuan Bezos-a’n India sum peipunna kawngah rah \ha chhuah tur a neih loh thu a lo sawi tawh bawk.
Hetihlai hian IMF Chief Economist, Gopinath chuan ram chhunga sum deh chhuah a pun zel nan huam zau zawka sum peipun chu India-in a mamawh tih sawiin, ram chhung thil siam chhuah uar lehzual a \ul a, chu chuan nasa takin kawngro a su thei dawn a ni a ti. IMF chuan India ram \han dan tur chu za zela 4.8 vel chauh a nih a ring tih sawiin, sum dehchhuah tlak hniam dan chu thla thum chhung lekin zaa 1.3 a tlin rin a ni bawk a, hei hi khawvel pum sum dinhmun \hanna ti buai thei tur a ni a ti.
