Chhumkhum leh Chawngte inkar kawng chu naktuk ral hmaa motor lian kal theiha siam hman tum niin PWD hotuten an sawi a, Chhumkhum leh Chawngte inkar kawng hi World Bank sum hmangin kum 2014 December thla a\ang khan Mizoram State Roads II, Regional Transport Connectivity hnuaiah Lane 2 a zau tura siam a ni tih sawiin, Contractor chu Noida-a JKM Infra Projects Limited a ni a, kum 4 chhunga zawh tura ruahman a ni tih an sawi a. PWD chuan, tunah hian kawng hi Kilometre 24 vela thui laih zawh tawh a nih b^kah, hmun engemaw zatah lei dawh a nih bakah lungrem mek a nih thu an sawi. Chhumkhum leh Chawngte inkar kawng hi kum 2006 khan World Bank sum hmang veka thawm \hat a lo ni tawh a, hmun \henkhat chu ni a hmuh loh bakah lei a d<p avangin kawngpui hi a \ha rei thei lova, Rualalung leh Chawngte inkara hmun eng emaw zat pawh a awih lutuk avangin tuihawkin kawngpui a ei chhe nasa a, heng hmunah hian kuminah pawh lung phah leh mah se, \hal chhunga lung phah hman lohna, Chawngte khaw dai chu a diak nasat avangin kumin June ni 12 a\ang khan Maxicab pawh a tlan thei tawh lova, helai bakah hian kawng laih thar hmun eng emaw zat pawh a diak nasat avangin motor tan kal hleih theih a ni lo a ni. Heng hmuna motor tang reng reng chu Contractor-in JCB hmangin a hnuh chhuah zel a ngai a. Contractor pui tur hian kumin September a\ang khan PWD-in Direct-in Sub-contractor pakhat a lak belh nia sawiin PWD hotute chuan, September ni 15 a\ang khan Maxicab pawh a service leh thei tawh niin an sawi a. Tunah hian Rangte – Lalnutui – Lungrang South leh Rualalung inkara kawng diak zualpui laiah lung phah zawh a ni tawh a, Contractor leh sub-Contractor-in kawng chhe zualpui siam \ha tur hian theihtawp an chhuah mek niin an sawi.
