He inkhawm Muallungthu-a Lawmzuala Memorial YMA Hall-a neihah hianProf. F. Lalnunmawia chuan, Mizote nungcha leh ramngaw humhalhna kawnga an \hangharh zel chu thil lawmawm tak a ni a, ramngaw leh nungcha humhalh turin sum leh pai a ngai lova, dikna, rinawmna leh \hahnemngaihna a pawimawh tih hriat a ngai a ni, a ti. Prof. F. Lalnunmawia chuan, ramngaw chereu vangin sik leh sa-ah khawvelin harsatna a tawk mek a. Ramngawte hi boruak \ha siam chhuaktu an nih avangin humhalh leh tihpun a \ul hle a, hetiang ni lova ramngaw an tih cherau zel chuan nungcha a tlem telh telh tih hriat tel a ngai a ni, a ti. Aizawl DFO, Pu Kawlhnuna pawhin, ramngaw leh nungcha humhalh kawngah nasa zawka \anlak zel a \ul thu leh hemi kawngah hian sorkar leh tlawmngai pawl-te thawh ho zel a \ul thu a sawi a. ASEP President, Pu Lalmuansanga pawhin, ramngaw leh nungcha humhalh kawnga ASEP leh Chhimphei Group YMA thawh hona a sawi bawk.
He inkhawm hi Chhimphei Group YMA President, Pu Lalrindika’n a kaihruai a, Chhimphei Group YMA huam chhunga Branch hrang hrang aiawhte an tel a ni.
