Hnatlanga thawk chhuakte hi Aizawl South III bialtu MLA, Dr. F. Lalnunmawia leh AMC Ward No 19-na Councillor, Pu C. Lalthansanga’n an \awimawm a, hnatlang \an hmaa inkhawm tawi buatsaihah bialtu MLA, Dr. F. Lalnunmawia chuan, Mizote chu inchhung khawsak leh incheina lama an changkan viau laiin vantlang hmun leh puipunna hmun vawnfai kawngah zir tur an la ngah hle tih sawiin, vantlang chawlhbuk, inthiarna, intihhlimna leh puipunna hmuna bawlhlawh tam lutuk chu khawtlang hmel tibaltu a nih avangin ngaih pawimawh nachang hriat a ngai a ni, a ti.
AMC ward No. 19-na Councillor, Pu C. Lalthansanga pawhin, August thla a\ang khan AMC chuan plastic macron 50 hnuai lam chu hman a khap a, mipuite harsatna tur hrethiamin he khapna hi na taka kalpui nghal a ni lova, tun a\ang chuan he khapna hi khauh taka kalpui \an a ni dawn tih a sawi. Hnatlangah hian Chhimphei Group YMA huam chhunga Branch hrang hrang a\angin YMA member \hahnem tak an thawk chhuaka, AMC in bawlhhlawh bawm, kutkawr leh motor hman man a tum sak a ni.
