He kut hi Lai Autonomous District Council leh Central Young Lai Association buatsaiha neih a ni a, tun \um hi kut hman vawi hnihna a ni. He kutah hian Lai Autonomous District Council Chief Executive Member, Pu T. Zakunga chu khuallian a ni a, thusawiin khuallian chuan kut hmangtute chu Phawngpui tlang mawina leh Mizo hnam nun zia rang chi hrang hrang ngaihlua humhalha uar taka pholang turin a fuih a ni. He kutah hian LADC hotute bakah Lawngtlai, Sangau leh Mizoram hmun hrang hrang a\anga fuankhawm mi \hahnem tak an tel a, pi leh pute hunlai a\anga kut ni vang thlaa an thil chin \hin thil tam tak entir a ni a, chung zingah chuan Lai hnam infiamna chi hrang hrang, tun hmalam a\anga tun thlenga mihringte nundan leh incheina danglam chho zel tilangtu costume parade te, hnam lam te an entir bakah kut chhimtute tan zu fang leh zupui an siam bawk a ni. He kutah hian Cheural khaw nula Lalramtharmawii chu Chhawkhlei Queen 2019 atan thlan a ni a, Sangau III mi Laldinliana chu Chhawkhlei King atan thlan a ni bawk. Chhawkhlei kut hman rual hian Phawngpui tlanga Far P^k leh Phawngpui tlang tlawhtu an awm nual a ni.
