Heng Naxalte hi Maoists pawl Maad division ami an ni a, Bastar bial hnuaia Narayanpur district-ah bomb siamchawp Improvised Explosive Device an tipuak a, thi leh hliam erawh an awm lo a, Chhattisgarh Armed Force leh district force thawk dunin Bedre area-ah heng Naxal mi 4 leh an ralthuam kawl 3 te hi an man a ni.
Thawhlehni khan Chhattisgarh-ah vek, Dantewada-ah Naxal te hian bomb siamchawp hmangin BJP hotu chuanna motor an bei a, bomb an tihpuah hnu hian silai hmangin an kap bawk a, hetah hian BJP MLA Bheema Mandavi, police officer 3 leh motor khalhtu driver an thi a ni. Boruak hi hetiang a nih vangin Bastar bial hi state leh paramilitary sipai 80,000 venhimna hnuaiah a awm mek a, bialah hian candidate 7 te’n seat an chuh dawn a ni.
