Lok Sabha lamah chuan Samajwadi party MP-te’n sorkar laipui chu CBI hmang sualah an puh a, Samajwadi Party leh Bahujan Samajwadi Party-te’n inremna neih tuma an inbiak veleh sorkar chu CBI te hmanga hruaitute in dap tirah an puh a ni. Congress lam pawhin Rafale inremna chhui chiang tura Joint Parliamentary Committee din an phut thu an au pui leh a, MP-te hi Speaker dawhkan bulah an pungkhawm a, rorel inkhawmah PM Narendra Modi-a tel ve an phut thu auchhuahpuiin, Lok Sabha hmaa thu dik tawk lo sawiah sorkar chu an puh bawk a ni.
Lok Sabha inkhawm hi vawiinah \um hnih tihtawp lailawk a ni a, a hmasa zawk chuan AIADMK leh TDP MP 3 te chu rorel inkhawm a\angin Speaker Sumitra Mahajan-i’n a chawlh tir a ni.
Rajya Sabha inkhawm pawh chawhnu dar 2 vel khan tihtawp lailawk a ni a, hetah pawh hian Samajwadi Party MP-te chuan UP lama CBI-te’n state sorkar hmasa thuneitute in an dap vanga an lungawiloh thu an au chhuahpui a, House-a sawiho an dilna chu Rajya Sabha chairman M Venkaiah Naidu-a’n a remtih loh avangin MP dangte nen lungawilohna an lantir a, inkhawm hi tihtawp zui a ni.
