Lawngtlai District-a Cheural khuaa BCM Kohhran mi, kum thar ruai ei sual avanga an khaw Community Hall-a enkawl mekte chuan \hat lam an pan zel a, anmahni enkawltu, Sangau PHC-a Medical Officer, Dr. Diana Lianhlupuii leh Siaha leh South Lungphera Doctor-te pawhin damlote hi an kalsan tawh a, Serkawn Christian Hospital a\anga Medical Team-in an enkawl zui mek a, an zinga na zual deuh, Siaha District Hospital-a thawn pawhin \hat lam a pan zel niin Sangaua ZONET Corr. chuan a sawi a ni. Serkawn Christian Hospital a\anga Medical Team tirh hi BCM Hqrs.-a General Secretary, Rev. F. Ramdinmawia leh hruaitu dangten an ho a ni.
Puan tawh angin, Cheural khuaa BCM Kohhran kum thar lawmna ruai, tun thla ni 1-a \hehtute zinga mi 150 vel chu pum na, luak, khawsik leh kaw\halovin an na a, heng mite hi Sangau PHC, Dr. Diana Lianhlupuii leh Staff Nurse 4-in a hmuna kal chilhin an khaw Community Hall-ah an enkawl a, an ruai \hehnaa arsa leh vawksa bakah thil dang ei sual theih awm chi te chu an la khawm tawh a, heta \ang hian an thil eia thil \ha lo awm hriat chhuah an tum a ni.
