Chief Minister chuan, District, sub division leh outpost-a Police hmunhma thuam\hat ngai tamzia chu sorkar-in a hriatpui thu leh khawl leh hmanruaa an hmasawn zelna turah sorkar laipuiah dilna thlen a nih tawh thu sawiin, thawktu indiah lohnaah emaw, uniform emaw, ralthuam \ha zawk a ni emaw, theih tawpa hmalak sak an nih tur thu a sawi. Pu Rama chuan, Police zingah ruihhlo leh zu avang buai an tam hle tih sawiin, hei hi chonaa ngaia fihlim tura hmalak a \ul a ni, a ti a. Mizoram chu state lian lo tak, hun rei tak rambuai avanga harsatna tawk tawh ni mah se, tunah erawh ram ralmuang ber a ni ta a, hemi zarah hian remna siam tura hmala tura sawmna pawh an dawn phah \hin niina sawi.
Home Minister Pu Lalchamliana pawhin, Mizoram Police chu ram chhunga Police \ha ber zinga mi nia a ngaihthu leh zirchianna \henkhatah phei chuan rampum huapa police case chinfel aiin Mizoram police conviction rate chu a let dawna a san zawk thu a sawi.
Inkhawm hi IGP Hqrs. Pu John Neihlaia’n a kaihruai a, Chief Secretary Pu Lalnunmawia Chuaungo, DGP Pu SBK Singh ten thu an sawi a ni. Police Building thar hawnnaah hian Assembly Deputy Speaker Lalrinawma, Deputy Govt. Chief Whip Pu Lalrintluanga Sailo leh MLA te leh Police hotute an tel a ni. Building thar hawn tak hi North East Consultancy Services-in a sak a ni a, kum 2015 July thla khan hna \anin nikum December khan an zo fel a ni. Building hi chhawng 5 sang a ni a, block hnihah \henin a chhungah hian officer room 18, staff room 20, store leh service room 13, inthiarna block 8, choka, canteen, multipurpose hall, conference hall leh library te a awm a ni.
