Chawnpuia 33KV Sub Station a, 6.3MVA Transformer chhia avanga Aizawl tlak lam mipuiten eng an hmuh mumal theih loh chungchang zirchiangin Aizawl West II bialtu MLA Pu Lalruatkima leh Tuikual North Local Council ten Chawnpuia 33KV Sub Station an tlawh.
33KV Sub Station hotute chuan, 6.3MVA Transformer chhia avanga Aizawl tlak lam veng ten power supply-a harsatna an tawh mek chu phuhruk turin Sialsuk a\angin Power 2.5MVA la in a theih ang anga semrual a ni tih an lo hrilh a, Luangmual atangin 2.5MVA transformer pakhat chu phurh thlen a nih tawh thu leh a hlan thlakna turah harsatna an tawh thu MLA leh Tuikual North Local Council hotute hi an lo hrilh a, Pu Lalruatkima’n 3rd IR Commandant hnena Transformer lian hlan thlakna tur khawl hman tir turin a ngen a, P&E Secretary leh E in C te pawh be nghalin FIFA World Cup khelh lai anih vang leh Fur laia mipuiin Power an mamawh san lai a nih avangin mipuite harsatna tawh mek sutkian sak thuai turin a ngen a ni.
Pu Lalruatkima chuan, P&E Dept. in Tranformer a chhiat thulha a thlakna tur Transformer kawl lawk sorkarin a nei lo chu pawi a tih thu sawiin ruahmanna siam a ngai nia a hriat thu a sawi.
