Chawnpui Branch YMA in an dinchampha vawi 50 na Golden Jubilee lawmna leh YMA kumpuan chu nizan khan an veng Sports Centre ah an hawng. Jubilee lawmna hawngtu Bialtu MLA Pu K Sang\huama chuan, zu leh ruihhlo dangin Mizoram a run mek tih a sawi a, hemi do hneh turin pheikhai rual taka kohhran leh tlawmngaipawl hrang hrang leh mipui te thawh ho a \ul a ni a ti. Pu K Sang\huama chuan, tunhnaiah Mizo zingah IAS leh Central Service an tlahniam chu a veiawm hle tih a sawi a, hetiang zela Mizoram a kal chuan, hnamdang thuhnuaia kun mai a hlauhthawn thu sawiin hemi kawnga \an la thar turin \halaite a sawm a, Chawnpui veng a\anga IAS Prelims inziak tling te cheng sing 1 leh a tling te cheng sing 5 pek a tur thu a puang bawk. Kumpuan hawngtu Central YMA CEC member Pu Lalbiakzuala pawhin thusawiin Central YMA in kum 12 chhung Ram leh hnam humhalh a puan chhungin Mizoramah danglamna nasa tak a thlen niin a sawi a,hetihrual hian dam kim lo leh hmalakna tur tam tak ala awm avangin ram leh hnam humhalh chu puan nawn leh a a ngai ta a ni a ti. Pu Lalbiakzuala chuan, ram leh hnam humhalh turin Do ngai, nunpui ngai leh inzirtir ngai tam tak a awm thu sawiin Electoral roll a chuang lo tur chuang an tam dan te, Mizo nula ten hnamdang an nei nasa ta lutuk leh ruihhlo avanga \halai thi tam lutuk leh zu vanga khawtlangin a tawrhna te chu veiawm a tih thu a sawi. Chawnpui Branch YMA hi Kum 1968 Sept 15 khan din a ni a, tundinhmunah member 2000 chuang an awm a ni. An dinchampha Golden Jubilee hi thla 6 chhung an lawm dawn a, September ah ruai nen an khar dawn a ni.
