Aizawla MSU hruaitu nia sawiten Hunthar Venga Chakma House-a bungraw \henkhat an tichhia. Tun kar Thawhlehni khan Chawngte Higher Secondary School Sports-a buaina chhuakah Chawngte-a MSU Sub Hqrs. hruaituten kut an tuar nia sawi a nih avangin vawiin khan Aizawla MSU hruaitu nia sawite hian Hunthar Venga Chakma House-ah lungawi lohna lantirin, Office Computer leh Steel Almirah darthlalangte an tichhia a, Chakma House Liaison Officer, Pu PK Tong chu hmuin Chawngte Higher Secondary School Sports, Chakma miten an tihbuai \helh tumtu, MSU Sub Headquarters hruaitute chunga Chakma \henkhatin kut an thlak chu an duh loh thu leh an lungawi loh thu an hrilh a, MSU hruaitute kut thlaktute chu tun kar chhung ngeia man chhuaka an phu tawka hrem an phut thu an sawi bawk. MSU hruaitute chuan Chawngte Sub Hqrs. hruaitu kut tuarte
chu zangnadawmna pe ngei turin Chakma Autonomous District Council an phut thu pawh an sawi a, Mizo mipuite hnena ngaihdam dil turin an phut bawk a ni. MSU hruaitute hian Hunthar Venga Chakma House-a mikhual thlengte zinga damlo ni lote chu chhuahtir vek turin LO chu an hrilh a, an thil phut tihhlawhtlin a nih hma chuan House-ah tumah thlentir an phal dawn lo tih an hrilh bawk a ni. Zawhna chhangin Aizawl Additional SP, Pu Lalrinawma |aite chuan Hunthar Venga Chakma House-a thil thleng hi Police-ten an hriat chuan MSU hruaitute chu an lo insaseng hman tawh niin a sawi a, SDPO hovin a hmuna thil awm dan an enfiah a, bawhzui ngaite bawhzuiin, Chakma House hi an veng nghal a ni.
