Singapore Airlines hian kum nga kalta khan Singapore leh New York inkara thlawhna a thlawhtir \hin chu a hlawk loh avangin a lo ti tawp tawh a, tunah hian a chhunzawm leh dawn ta a ni. Thlawhna hi dakar 19 chhung chawl lova thlawkin km 15,000 vela thui a thlawk dawn a ni. Qantas in Perth leh London inkara thlawhna a thlawh tir mek chu darkar 17 chhung thlawh ngai a ni a, Qatar in Auckland leh Doha inkara thlawhna a thlawh tir chu darkar 17.5 a ni bawk.
Singapore Airlines chuan chawlh lailawk awm lova New York -a thlawhna an thlawh tir leh tur hi mi tam takin an nghakhlel hle tih an sawi a, business class-a seat zawng zawngte chu an hralh fai nghal vek a, premium economy seat tlem azawng a la awm tih an sawi. Business class ticket neitute hi thlawhna-a an chuan chhungin chaw pangngai vawi hnih pek an ni ang a, a karah eitur dang pek an ni bawk ang a, mutna tur khum pawh pek an ni ang. Premium Economy-a chuangte chuan chaw pangngai vawi 3 leh eitur dangte an dawng dawn thung.
