Chapchar kut pual hian lemziak chi hrang hrang phochhuahna, Art Exhibition pawh Vanapa Hall ah buatsaih a ni a, I&PR Director Pi Lallianpuii’n exibition hi a hawng a, thlalak leh lemziak hmanga thil vawnthat te chu kum tam tak hnuah pawh awm reng tur a nih avangin pipute sulhnu mipui hmuh theih tura chhawp chhuah uar a pawimawh a ni a ti

I&PR Deputy Director Pi PB Lianthangpuii kaihhruai exibition hawnna inkhawmah hian Mizoram Art Development Society (MADS) president Pu C. Laltanpuia leh Mizo Photographers Society (MPS) President Pu Tlauliana te pawhin thu an sawi a, Exhibition ah hian MADS member 40 te kutchhuak lemziak 87 pho chhuah a ni a. MPS member 33 te kutchhuak thlalak 64 phochhuah a ni bawk. Chapchar Kut Art Exhibition hian March ni 6 thleng a awh dawn a, mipui a duh apiang tan tlawh theih a ni.